*||छावा||*

पुरंदर ‌किल्लावर

नवसूर्य तळपला

शंभूराजां सारखा

नवरत्न जन्मला ||१||

             आईच्या वात्सल्याला

   ‌‌         बालपणीच मुकला

             जिजाऊंच्या छत्राखाली

            ‌ छावा मराठ्यांचा घडला ||२||

गोरगरीब जनतेचा

रक्षणकर्ता ठरला

स्त्रीजातीचा तर त्याने

पदोपदी सन्मान केला ||३||

             महापराक्रमी भिमकाय

             अफाट शौर्याचा

             ‌घोंघावणारा झंझावात

             प्रचंड ताकदिचा ||४||

फितुरीने फसविले

गनिमांनी कैद केले

निधड्या छातीने

वार ते झेलले ||५||

             जीभ कापली, डोळे काढले

             अगणित अत्याचार केले

             धर्मरक्षणासाठी प्राणार्पण

             शिवशंभूने केले ||६||

‌‌ मोडेन पण वाकणार नाही

 मर्द मराठी बाणा असे

 सिंहाच्या त्या छाव्याला

 त्रिवार आमुचा मुजरा असे ||७||