बैलपोळा

धून काढूया बैलांना

झूल घालुनी सजवूया

शिंगांना लावूनी बेगड

त्यावर बाशिंग चढूया ||

वर्षभराच्या कष्टातून

होऊ ऋणातून मुक्त

पूजा करूआज त्यांची

भोळा शेतकरी भक्त ||

आनंद होई बैलपूजन

श्रावणपोळा आनंदाचा

हौसेने ,मौजेने सजवूया 

घास भरवू पुरणपोळीचा ||

वाजत -गाजत डौलात

गावातून मिरवणूक काढू

जोडी माझी काळू- बाळू

सजले कसे फोटो काढू ||

आज असे त्यांचा थाट

गळ्यात घुंगुर चाळी

आहेच रुबाब भारी

दृष्ट काढू संध्याकाळी ||