लाइब्रेरी
प्रोफाइल
बाप
बाप
1 min
225
बाप आधार घराचा
बाप मायेचा पसारा
बाप जन्माची सावली
बाप प्रेमाचाच झरा....!!
बाप घराचं छप्पर
बाप घराचं अस्तित्व
बापाविणा जीवनाला
नाही कसले महत्त्व....!!
बाप घराची रे शान
बाप कौतुकाची थाप
मुलांसाठी राबतोया
रात्रंदिन माझा बाप.....!!
बाप करतोया कष्ट
करी लोकाची चाकरी
बाप तुझ्यामुळेच रे
लेकरांना मिळे भाकरी....!!
बाप घराचा कळस
बाप रे आधारवड
भार झेलतो घराचा
कर्ज जरी डोईजड.....!!
बाप भरलं आभाळ
बाप संकटाची हाक
बापामुळे राहतसे
सा-या घराला रे धाक....!!
संसाररथाची चाके
असे धन्य मायबाप
आले नयनी हे अश्रु
आठवतो माझा बाप...!!
बाप सुखाचा सागर
बाप विठ्ठल सावळा
राबराब राबतसे
विठु तो लेकुरवाळा....!!
बाप आधार जीवनी
धन्य झाले हे जीवन
बाप जगात हो थोर
बाप खरेखुरे धन.....!!
