बाबा परतून येशील का

मलाही हक्क घटनेने दिले मिळवून बाबा तू

मलाही दार शाळेचे दिले उघडून बाबा तू

उभा बाहेर शाळेच्या कसा अभ्यास केला तू

घरी आलास पदव्यांना किती घेऊन बाबा तू

मला जातीत छळतो जो कसा मानव म्हणू त्याला

धडा माणूसकीचा मग दिला शिकवून बाबा तू 

कसा तो देवही बाटे मला पाहून दगडांचा

मला मंदिर देवांचे दिले खोलून बाबा तू

कुणाचा माठही बाटे कसा हलक्याच स्पर्शाने

दिला सागर समाजाला खुला करवून बाबा तू