बाबा माफ करा मला

आम्ही अभिमानाने जयभीम म्हणतो

जयंती पुण्यतिथी ऐटीत साजरी करतो

मोठाले पुतळे ऊभारतो भिंतीवर तसबीरी टांगतो

ढोल ताशे डिजेच्या तालावर मिरवणूका काढतो

बेभान होऊन नाचतो

दलीतांचा नेता म्हणून जगाला ओरडून सांगतो

माफ करा बाबा तुम्हाला समजुन घ्यायला

आम्ही खुप कमी पडतो

तुमचे ज्ञान नि तुम्ही शिकवलेलला स्वाभिमान

आम्ही आजही गहान टाकतोय ऐकयाची शिकवण

विसरून जातीभेदाला पोसतोय

बाबासाहेब डोकयावर नाही

डोकयात घ्यायला हवेत

हे विसरतोय आत्मसन्मान गमवून लाळघोटे

पणाही करतोय वाचाल तर वाचाल

ही शिकवण सोडून व्यसन

एशोआराम सवलती ऊपभोगतोय

पैशाची मस्ती आपलयाच बांधवांना दाखवत हिंडतोय

तुमचे आचार विचार सोडून बाकी निरर्थक सारच

आम्ही करतोय माफ करा बाबा

आम्ही तुम्हाला समजुन घ्यायला

आम्ही खुप कमी पडतोय...

तुम्ही दिलेला बुद्ध हरवलाय?

प्रज्ञा शील करुणा हि टॅगलाइन झालीय

व शिका संघटीत व्हा संघर्ष करा

हि घोषवाक्यातच ऊरलीत

बाबा खरच माफ करा मलाही

मी ही कूठेतरी कधीतरी जात लपवीली

स्वाभिमान गमावून तुमच्या बाणेदार

शिकवणीची होळी केली

कधी कधी स्वताची लाज वाटते मला

तळपता ज्ञानसुर्य जो जगाला तेज

देऊन गेला कमी पडलो आम्ही

सारेच त्याची प्रखरता झेलायला संकुचित

विचारात जोखडून अज्ञानी वृत्तीने सूर्याला

मिनमिनती ज्योत आम्हीच समजलो

माफ करा मला व तुमच्या तमाम लेकरांनाही 

ज्यांनी जातीमध्येच जोखडून ठेवले

तुमच्या प्रतिमेला

तुम्ही जगाला बुदध दिला

अन आम्ही धर्माच्या नावाने लढून

आमंत्रण देतोय विनाशाला

बाबा जमलयास माफ करा आम्हाला