असं का पाहिलंस

तू असं का पाहिलंस 

जसं काही बोलायचं होतं 

वाटंत होतं जसं तूला 

मन खोलायचं होतं || 0 ||

काहीतरी जाणवत होतं 

नजरेच्या खोलीत 

काहीतरी भाव होते 

मागोमाग ओळीत 

वाटंत होतं जीवनात माझ्या 

मध घोळायचं होतं 

वाटंत होतं जसं तूला 

मन खोलायचं होतं || 1 ||

परीक्षा घ्यायची होती का 

माझ्या परिस्थिती ची 

माझ्या उत्कर्षाची की 

माझ्या अवनतीची 

सुखसमृद्धीत माझं 

जीवन तोलायचं होतं 

वाटंत होतं जसं तूला 

मन खोलायचं होतं || 2 ||