अंधश्रद्धा

देऊन बळी कोंबड्या बोकडांचा

देव प्रसन्न होईल कसा ?

ज्याने जीवन दिले त्यांना

त्यांच्या नैवेद्याने खुश होईल कसा?

करून गंडेदोरे,जप-तप-मंत्र 

जर झाले असते बरे आजार

डॉक्टर अन् वैद्यकशास्त्रातील

सगळे उपाय ठरले असते नाबेकार ?

 

अंधश्रद्धेच्या मोहाला पडून बळी

घेताल निष्पापांचे जीव किती

स्वसुखासाठी दुसऱ्याचे जीवन

उध्वस्त करताना वाटत नाही का भिती?

सोडा अंधश्रद्धा धरा विज्ञानाची कास

बाळगा वैज्ञानिक दृष्टीकोन होईल विकास 

लक्षात ठेवा यापुढे विज्ञान आहे जीवन

देताल थारा अंधश्रद्धेला तर ओढवून घेताल मरण