लाइब्रेरी
प्रोफाइल
अमृताच्या धारा
अमृताच्या धारा
1 min
485
आलं आभाळ भरून
दिशा झाकोळल्या दाही
झाला आनंद सृष्टीला
फुटे आनंदाची लाही।।१।।
मेघ गर्जना करती,
वीज कशी चमकते
पावसाच्या सरीसाठी
जणू रस्ता दाखवते।।२।।
आला पहिला पाऊस
शेतकरी सिद्ध झाले
पीक लागवडी साठी
बैलं औताला जुंपले।।३।।
आला पहिला पाऊस
झाडे वेली चिंब झाल्या
अमृताच्या धारां मध्ये
कशा न्हाऊन निघाल्या।।४।।
आला पहिला पाऊस
सृष्टी न्हाती धुती झाली
बीज अंकुरे कुशीत
धरा हिरवाई ल्याली।।५।।
