लाइब्रेरी
प्रोफाइल
ऐसा वसंत
ऐसा वसंत
1 min
221
वसंत माझ्या दारी येऊन
सडा शिंपतो पुष्पांचा
चराचरात एक बीज पेरूनी
स्वतःच होतो चैतन्याचा
ऐश्या एका सोनसकाळी
वसंत झाडांवरती वसतो
आणि दिवस मावळताना
मला वसंत चंद्रि दिसतो
रात्रीच्या कुशीत शिरूनी
वसंत चांदवा रंगवतो
कुहू कुहू चे गान घेऊनी
आम्रतरूला जागवतो
अश्याच वेळी होऊन कविता
वसंत शब्दांमधून येतो
अलगद वहीच्या पानांवरती
खुणा हिरव्या ठेवून जातो...!
