अबोल प्रीत
अबोल प्रीत
अबोल नयनांची प्रीत
शमते मनातील काहूर,
हृदय विणेच्या जुळल्या तारा
आज गवसला ग सूर ||१||
सुख दुःख ही भरती ओहटी
मोहमाया सारीच खोटी ,
कशास मग हवीआस मनात
सर्व सोडूनी जाणे शेवटी ||२||
छळतो मजला वादळ वारा
मनी उठे हुरहूर येतो शहारा
नैराश्याची लाट उसळता
डोळ्यांमधूनी झरती धारा||३||
बघ वसंत बहरला
धुंद वासाने दरवळला
हुरहूर मनात वाढता
मदन वारा सळसळला ||४||
अबोल प्रीत बहरली
आज लाजरी ही प्रीत ,
हुरहूर मनामध्ये ती उठता
कळलं सार गोड गुपीत ||५|