नको करू दु:स्वास

नको करू दुःस्वास कुणाचा

भेदाभेद जीवनी तू टाळ

माणसात माणूस होऊनी

माणुसकी जगी या सांभाळ।

कर्म श्रेष्ठ हेच सांगे धर्म

जाण मनी जीवनाचे मर्म

उच्च-नीच्च ना जगी या कुणी 

रक्त एकच, एकच चर्म।

ज्यांच्या नशीबी हाल अपेष्टा

नकोच त्यांची करुस चेष्टा

डोईवरी जे वाहती विष्ठा

नको उपेक्षु तू त्यांच्या कष्टा।

जाती-पातीचा ठाऊक नाही

वाहात्या पाण्याला या विटाळ

पोटासाठी जनसेवा हीच

चाले रोजच सांजसकाळ।

चित्त असावे सदैव शुद्ध

मोठे कर मन हो प्रबुद्ध

नको रे वर्णभेदाचे युद्ध

भल्या भल्यांची जिरली जिद्द।