बंध नात्यांचे

बंध हे नात्यांचे कधी

एकमेका दोष देती,

सारी असती लटकी

पैशापायी बदलती ||१||

जिव्हाळ्याचे नाते जे

मैत्री नाव त्याचे असे,

दुजाभाव मनी नसे

सुखदुःखा वाटीतसे ||२||

मैत्री झंकार पैंजण

मनातले ते गुंजन,

थंड पाण्याचे रांजण

सुखवती ते जीवन ||३||

मैत्री धुंद रातराणी

सदा फुलते अंगणी,

वेड्या माझ्याग या मनी

जागा न घेई ती कुणी ||४||

असे जिव्हाळ्याचे नाते 

जसे हृदयी स्पंदन,

जसे हिऱ्याला कोंदण

उभ्या जन्माचे आंदण ||५||