अबोल प्रेम

अचानकपणे आपण

एकमेकांसमोर यावे

डोळ्यात डोळे घालून

नुसतेच पाहत बसावे

अनपेक्षितपणे घडलेल्या

या दुराव्यानंतरच्या भेटीत

तु ही अबोल रहावे

नि मी ही अबोल रहावे

पोटातल्या शब्दाला

ओठावर न येऊ द्यावे

डोळ्यातल्याच इशाऱ्यांनी

अबोलपणे बोलावे

अबोलपणाच्या भेटीत

इशाऱ्यांचा खेळ व्हावा

त्यात आपल्याच जीवनाचा

गुलाबी भुतकाळ आठवावा

अबोल, अव्यक्त प्रेम

अबोल्यानेच खुलत जावे

आपल्या प्रेमाचे बंध पुन्हा

अबोल्यानेच जुळून यावे