आयुष्याच्या सहवासात

श्रावणसरी सारखा

तू बरसावा पुन्हा

मी चिंब व्हावे तुझ्यात

अन् बिलगावे पुन्हा

ते क्षण ओल्या दवाचे

तू फिरूनी पुन्हा दे मला

त्या श्रावणातील झोपाळ्याचे

गीत तू पुन्हा दे मला

त्या चांदण्या रातीची

भेट पुन्हा हवी मला

त्या नक्षत्रांच्या शपथा

अन् ती चंद्राची साक्ष पुन्हा दे मला

गेल्या अनेक राती 

समीप राहून दूर च्या

परत त्या दे मला आता

त्या माझ्या हळदी च्या अंगा च्या

त्या गोड गुलाबी स्वप्नातूनी

नको जागवूस आता मला

हातात हात दे घट्ट असे

अन् माझे मी पण विसरु दे मला 

तुझा प्रेमळ गुलाबी स्पर्श

आज ही हवा मला 

तुझे बोल ते अमृतचे सख्या

आज ही हवे मला

कोण जाणे उद्याची 

पहाट ती कशी रे

मी रती तू मदन सख्या

जागवू ही मिलन घडी रे