#गौरव मराठी भाषेचा

माझ्या माय मराठीचे

गाऊ किती गुणगान

ज्ञानोबा माऊलीने

दिला हिला बहुमान

पहाटेच्या परी ओवी

गाये जात्यावर जनाबाई

अरे संसार, संसार म्हणत

ज्ञान देते बहिणाबाई

गोडवा माय मराठीचा

जणू साखरेचा पाक

भक्ति रसातून वाहे

जणू अमृताचे पाट

माय बोलीचे उपकार

मनी चे भाव कसे जाणते

पान्हावलेल्या डोळ्यातुन

माय जशी मनात शिरते

कुसुमाग्रजांच्या जन्मदिनी

होई आनंद सोहळा

राजभाषा दिनाचा

हा शाब्दिक मानाचा सोहळा