अभंग

भक्तांचा कैवारी l विठू माझा हरी

आले तुझ्या दारी l पांडुरंगा ll१ll

डोळ्यातून वाहे l माय चंद्रभागा l

सुखाचीये धागा l प्रसादाचा ll२ll

लाभता दर्शन| आनंद आगळा|

सुखाचा सोहळा| अंतरंगी॥३ll

घेऊनी मृदंग l भक्तीत रंगुनी l

ध्वनी गोड कानी | विठूराया ll४ll

रिंगणात अश्व l मनी तुझी मूर्ती

जगभर कीर्ती l स्वर्ग माझा ll५ll

करूनिया ध्यास l वारीचा जागर l

देहाचा आगर l प्रपंचात ll६ll

 सावळे रुपडे l हे कमलपुष्प l

तुळशीचे गुच्छ l वृंदावनी ll७ll

 तुझी रे कणव l चरणाचीओढ l

हरीनाम गोड l मुखी असे ll८ll

माय बाप माझे l विठू रखमाई l

आळवी अंगाई l कान्होपात्रा ll९ll

बळीचे जीवन । होई मातीमोल।

 बिचारा अबोल। नेहमीचा ll१०ll