आठवते का तुला ती कथा

मंद असा वारा अलगद उडणारे केस 

तुझी एक टक नजर

ती मला पडणारी भुरळ 

आठवते का तुला ती कथा

आणि त्या कथेतील तू आणि मी 

तिथे कुठे दूर क्षितिजावर तुझ्यात विसावलेले मन 

आठवतो मला पापण्यांखाली दडलेला प्रत्येक असा क्षण 

मी फुलासारखी सौम्य होती 

तू ही स्तब्ध होतास जणू एक रात्र 

त्या छटा होत्या वेगळ्या अशा विश्वाच्या 

जिथे सागर आणि किनारा ही होता अथांग 

आठवते का तुला ती कथा 

आणि त्या कथेतील तू आणि मी