लाइब्रेरी
प्रोफाइल
आठवणींची साठवण
आठवणींची साठवण
1 min
353
आठवणींच्या ओंजळीत
सुखद आठवणींचा मेवा
आयुष्यभर पुरेल असा
गोड साठवणींचा ठेवा
जगण्याच्या उमेदिला
सुखस्वप्नांचा दीप हवा
पुरलेल्या जाणीवेला
उधळून एक श्वास नवा
फुललेल्या क्षणात
गंध वेड लावी जीवा
उमलत्या निरागस कळीचा
सजलेला साज नवा
ओथंबलेल्या घनाचा
सुखद स्पर्श व्हावा
चाहूल आठवणींची
देत असे गुलाबी हवा
हिऱ्यामाणकांच्या आठवणी
अनुपम मंगल ही भेट देवा
या जाणीवेनेच तृप्त जाहले
मलाच वाटे माझा हेवा.......
