प्रतिबिंब

बनू दे असा एक आरसा

दिसेल ज्यात मनाचा अंतर्भाव सारा

नसेल गरज मग अंकुशाची 

बदलेल अवघा समाज सारा

बनू दे असा एक आरसा 

दिसेल ज्यात मनाचा अंतर्भाव सारा

घेईल माणूस मग जबाबदारी 

स्व-भावना, विचार, वर्तनाची 

आणणार नाही तो खोटा आविर्भाव मुखी

करेल प्रयत्न खऱ्या जगण्याचा 

 बनू दे असा एक आरसा 

दिसेल ज्यात मनाचा अंतर्भाव सारा

विना कष्ट, सुधारेल भ्रष्ट, उभारेल राष्ट्र 

होईल आत्मोन्रती आपोआप 

पडेल प्रकाश संतवाणीचा 

दूर सरेल अंधार काळ्या मनीचा 

बनू दे असा एक आरसा 

दिसेल ज्यात मनाचा अंतर्भाव सारा

चेहर्‍यापरी दिसेल ज्यात रंग अंतर्मनाचे खरेखुरे 

रंगापरी होईल वर्गीकरण, मानवाचे काळे - गोरे

किती बंर मग वाढेल जबाबदारी, रंग ते निवडण्याची

कोणता निवडावा अधिक, निवड असेल ही ज्याची त्याची 

 बनू दे असा एक आरसा 

दिसेल ज्यात मनाचा अंतर्भाव सारा