आपुल्या नात्याचा शिलालेखकल्पला

आपुल्या नात्याचा शिलालेख कल्पला

विषाद नव्हता मनी तो कसला

ना होती मनीषा अन विजिगीषा

पण, पाषाण शोधण्यातच हया गेली

अनभिज्ञ, घन अन नाजूक बंधन

अक्षय संचयात बहू किल्मिषे दाटली

पृथ्थककरणात अन निरूपणात

कैक अमावास्यां पौर्णिमा लोटली

भ्रमिष्ट अस्थिपंजर

शोध कूर्म गतीने पाषाणाचा

अनिर्वचनीय बंधनात अविरत

सोबतीने शोध अस्तित्वाचा

अनावृत, वैचित्र्य, अनाहूत गाठे

यथास्थित स्थितिस्थापक

क्षणभंगुर वाटे

शिरकान, बलिदान ती ज्येष्ठ नाती

पाषाण शोधण्यातच दिली मूठमाती