धर्म इथे बेताल झाला

धर्म इथे बेताल झाला

उठतासुटता जहाल झाला 

वापरले कैक रंग त्याने 

कोथळा बाहेर येताना मात्र लालच झाला ...

किती चढले सुळावर त्याच्यानावे , 

मारणारे गनीम आणि मरणारेही ..........

पाळणारे , जाळणारे , बघणारे अन भडकवणारे

पण .........जो तो हलाल झाला 

जन्नत नसीब झाली कुणा 

तर कुणी स्वर्गात पोहोचले 

अरे पण त्यांचे काय झाले असेल ?

ज्यांच्या जाण्याने , उभे घर पोळले

अपराध कुणाचा , कुणी भोगला 

कामकऱ्याला जागेवरी ठोकला

मर्दुमकीचा झेंडा मिरवुनी 

हिरवा भगवा पुढे नाचला 

हिजडे हरामी धर्मवेडे 

रंगबिरंगी धर्मांमध्ये 

फुका पाजती विषाचा प्याला 

माणूस मेला ,,, धर्म राहिला , धर्म राहिला