आपली मुले
आपली मुले
काम केल्यानंतर मिळणारा
पैसा खर्चावं वाटत नाही
बाप कमाईवर जगणाऱ्यांना
पैशाची पर्वा वाटत नाही
कमवा आणि शिका हे धोरण
लहानपणी अंगिकारले पाहिजे
मुलांचे कळते वय झाले की
स्वतःच्या पायांवर उभे केले पाहिजे
मुलांना कोणतेच कष्ट पडू नये
म्हणून पालक संपत्ती कमावतात
त्यांना काहीच करावे लागत नाही
आयते खाणारे आळशी बनवतात
मुलांना कष्टाळू बनवण्यासाठी
त्यांना काठीचा द्यावा आधार
स्वकमाईने केलेली संपत्ती
हेच जीवनाला देतो आकार