आमच्या मुंबईची थंडी

आमच्या मुंबईतील थंडी म्हणजे 

गरगर फिरणारा पंखा थोडा कमी 

एसी लागणार नाही याची हमी 

राहणार नाहीत घामाच्या धारा

 नॅपकिन टिशू पेपर यांचा पर्स 

मधून कमी होईल पसारा

 आमच्या मुंबईतील थंडी म्हणजे

 लागत नाही मफलर बंडी

 थोडासा स्कार्फ बांधला की

 आमचं काम होतं तमाम

 तरीही कधीतरी दुपारी

 आमच्या नशिबाला असतोच धाम

 हलकीशी एकच चादर 

बास होते अंगावर 

मुंबईत देखील बर्फ पडतो

 कधी ग्लासात कधी सायकल वरून

 तेवढच ऐकलं तरी 

आमचे डोळे येतात भरून

 बाकी बाहेर पावसाच्या धारा

 घरात घामाच्या धारा

 मुंबईचा असतो सतत

 तीस बत्तीस वर पारा

 मुंबईत असतात दोनच ऋतू

 उन्हाळा आणि पावसाळा

 आणि अधूनमधून हीवसाळा 

कोणी शोध लावेल काय

 वातानुकूलित कपड्यांचा

 अहो या मायानगरीत

 भरपूर धंदा होईल त्याचा

शेकोटीचा आनंद नाही

 आमच्या नशिबात

 वाफाळत्या पदार्थांचा आस्वाद

 नाही आमच्या भाग्यात

 हीच आहे या मुंबापुरीची

खासियत तरीही

 जगाच्या कानाकोपऱ्यातून

 लोक येतात येथे धावत