आई
आई
सुचेना मज काय लिहू
थोरवी गाऊ कुण्या आईची
भारतमाता की मातृभूमीची
जन्मदात्री की गंगामाईची
चोचीने भरवी पिल्यास
दाणा त्या चिमणीची
खाई तीज पिल्लेच तिला
अशा विषारी विंचनीची
मां शक्ती की मां विद्येची
वासरास चाटत्या गाईची
अनेक माता माझ्याभोवती
सुरेख रचना वात्सल्याची
जन्मदात्रीती माझी आई
वेदनेत मम तीच रडायची
समोर असता ती माझ्या
गरज मज ना देवाची
आई माझी माझी आई
हाक देता मी मायेची
तत्परतेने धावत येईल
काळजी तिज बाळाची
वंदनीय या सगळ्या माता
साक्षात प्रतिमा देवाची
अश्रू सुमन आईस अर्पिते
ऋणी तिची सात जन्माची