ती

सदैवं नांदते तुमच्या घरात 

ती आणि तिचं मन असते

साफसफाई निष्ठेने करते 

नीट घराची ठेवणं असते

मोल भाव वस्तूंचा करते 

चोख पैशांचा हिशोब ठेवते 

काटकसर ती घरात करूनी 

आम्हास नवीन वस्तू आणते

ताजा स्वयंपाक आम्हा वाढते

शिळे अन्न ती एकटीच खाते 

दुधाचा प्याला आम्हा देऊनी

तृप्तीची ढेकर मग ती घेते

ताप असल्यास ही कामे करते

काम करून मग आराम घेते 

आमच्या तापात जवळ असते 

हात, पाय ,डोके दाबून देते

फाटकी चोळी शिवण घालते

नवा सदरा आम्हास आणते 

सांगा मित्रांनो ही कोण असते 

अशी आपली आईच असते