लाइब्रेरी
प्रोफाइल
आई
आई
1 min
25
दिनरात करी सेवा
राबतात तिचे हात
किती फाटले आभाळ
करी कष्टाने ती मात
जीव पिल्लात गुंतला
तरी कष्टाने झुंजते
घाव टाकीचे सोसून
आनंदाने ती नांदते
माया लावी जीवापाड
नसे त्याला काही तोड
तिचा वावर भोवती
त्याला संस्काराची जोड
कधी वागते कठोर
धडे शिस्तीचे शिकवी
ठेच लागता पायाला
दिवा प्रेमाचा दाखवी
आई प्रेमाचा प्रकाश
राही तेवत सदैव
तिच्या असण्याने सदा
वाढे घरात वैभव
