आई..

आई तुझी आठवण,येते क्षणोक्षणी

अनावर होते दुःख,डोळयात पाणी ।।ध्रू।।

गेलीस कशी आई,सोडून तू मला,

कुठे पाहू सांग मी,कुठे शोधू तुला ?

घेईल कोण पोटाशी मज,सांग तुझ्यावाणी...।।१।।

कसं आवरु दुःख मी, तुला कसं विसरु,

गेलीस तू झालं तुझं,पोरकं ग लेकर,

झोप येईना डोळयाला, उघडीच पापणी...।।२।।

तुझ्या लेकराला आई ,गेलीस तू सोडून,

जीव माझा झाला वेडा,रडून,रडून,

नको अन्नाचा घास,जाईना ग पाणी...।।३।।

माझ्यावर दुःखाचा कोसळला हा डोंगर,

आई तुझा बाळाला या,पडेना ग विसर,

कोसळले आकाश,फाटली ग धरणी...।।४।।

का रे देवा तुला माझी,दया नाही आली,

आम्हा माय लेकरांची ताटातुट तू केली ,

ये ग आई माझ्यासाठी ये ग तू धाऊनी...।।५।।

दिनरात झुरतो आई,आई मी तुझ्यासाठी,

करतो नवस मी देवाला,दे जन्म तुझ्यापोटी,

पूनर्रजन्म घेऊ दोघं,नऊ महिन्यांनी...।।६।।