आई
आई
आई तुझी आठवण
मायेच्या शीतल वनात
जशी चंदनाची साठवण
वसलीस तु मनामनात
तुझ्या हातचा मेतकूट भात
पायाचे फुटलेल्या भेगाना
तुझा मलमाचा हात
सोपे नाही जीवन तुझ्याविना
आमच्या अभ्यासा साठी जागरण
डोळ्यात आस आमच्या प्रगतीची
आमच्या सुखासाठी वणवण
नाही बरोबरी तुझ्या व्यक्तिमत्त्वाची
सुखात हसलीस, आपलस करून
तुझ धैर्य, तुझी चिकाटीच वंगण
दुःखातही हसलीस पदरात घेऊन
लिहायला लेखणीला अपूर्ण तारांगण
गेलीस गणेशोत्सवाच्या दिवशी
थांबवून गणेशाला क्षणभर दारी
डोळ्यादेखत संपलीच कशी
वाटे देवालाही पडली तुझी जरूरी
माझ या जगात असणं, हसणं
माझा प्रत्येक श्वास तुझा ऋणी
नाही मुक्त माझ्या शरीराचा कणकण
आठवणीत ओवायचे मणी