उन्हाळा

किती सुंदर असायचा 

बालपणचा उन्हाळा, 

वाटे पाण्यात टाकला वाळा. 

भावंडाना भेटायचा सोहळा |

आजोळी जायची घाई, 

बाहुला बाहुलीची लग्नसराई, 

उन्हात खेळायला जागेची टंचाई, 

मागच्या अंगणात आमची सरबराई | 

पसाभर आंबे आगळे वेगळे, 

खावे कसे, ढोपरा पर्यंत ओघळे 

खाण्याची मजा काळात गडप झाली, 

जशी आगगाडी स्टेशनातून निघाली |

तेव्हाच्या उन्हाळ्यात न्हवता,

संस्स्ट्रोक, न्हवती हिट वेव्ह,

खुल्या चांदण्यात उघड्या अंगणात, 

चाले गप्पा गोष्टींची देवघेव |

परतीच्या वाटेवर ऊर दाटून येई,

नवीन वही पुस्तकांची ओढ पुढे नेई,

 डोळे पुन्हा येणाऱ्या,

उन्हाळ्याची वाट पाही, वाट पाही..