लाइब्रेरी
प्रोफाइल
आई तुझे थोरपण
आई तुझे थोरपण
1 min
190
नुसत्या तुझ्या असण्याने
घर जणू गोकुळ बनते
तुला पाहता सकलांच्या
मुखावर हास्य फुलते
तुझ्या वाचून या घराची
अवकळा काय सांगावी
घराचे घरपण जाऊन
गोठ्याची अवस्था यावी
प्रेम सरिता वात्सल्याची
निर्मळ गंगा झरते अशी
अविश्रांत तू झिजते आहे
अखंड जळते ज्योत जशी
तुझा रांगडा हात फिरतो
जेव्हा माझ्या पाठीवरती
फिकी वाटते मला तेव्हा
स्वर्गीच्या सुखाची महती
संस्काराची खाण माऊली
प्रत्येकाच्या नशिबी यावी
प्रत्येकाने सांज सकाळी
माऊलीची महती गावी
