മിലി(7)

റൂമിൽ പോകാം..

മിലി പെട്ടെന്ന് മാലതിയുടെ കയ്യിൽ പിടിച്ചു കൊണ്ട് പറഞ്ഞു

മാലതിയുടെ മുറിയിലെത്തിയതും മിലി കതകടച്ചു കുറ്റിയിട്ടു..

അവൾ മാലതിയുടെ അടുത്ത വന്നിരുന്നു. 

ആരാണവൻ..

പറയാം അതിനുമുമ്പ് മമ്മി എനിക്കു പറയാനുള്ളത് കേൾക്കണം .

മെഡിസിനു ചേർന്ന വർഷം മുതൽ ഈ മൂന്നു മാസംമുമ്പുവരെ ഞാൻ ഒരാളെ സ്നേഹിച്ചിരുന്നു. അവൻ്റെ ഒപ്പം ആവണം എൻ്റെ ജീവിതം എന്ന് തീരുമാനിച്ചു തന്നെയാണ് അവനെ സ്നേഹിച്ചത്.  എന്നാൽ ഇത്രയും സ്നേഹിച്ചിട്ടും ഞാൻ അവനെ സ്നേഹിക്കുന്നുണ്ടെന്ന് അവനറിയാം എന്നിട്ടും ഞങ്ങൾ തമ്മിൽ ഇങ്ങനെയൊരു കാര്യം സംസാരിച്ചിട്ടേയില്ല. വീണയ്ക്ക് അറിയാം. അവൾ എന്നോട് പലതവണ പറഞ്ഞു .നിൻ്റെ മനസിലുള്ളത് തുറന്നു പറയാൻ. എന്നിട്ടും പറഞ്ഞില്ല. പഠിത്തം കഴിഞ്ഞ്  വീട്ടിൽ പറയാം .എന്നുകരുതി. അല്ലാതെ പ്രണയിച്ച് ആടിപ്പാടി നടക്കാൻ എനിക്ക് ഇഷ്ടമല്ലായിരുന്നു.  

വീട്ടുകാർ തമ്മിൽ ആലോചിച്ചു വേണം കല്യാണം അതാരുന്നു ഞാനാഗ്രഹിച്ചത്. എവിടെ ആണേലും എൻ്റെ കണ്ണുകൾ അവനെ വിടാതെ പിന്തുടർന്നു.

ഞങ്ങൾ എല്ലാവരും കൂടി കൊടൈക്കനാൽ പോയത് മമ്മിയ്ക്ക് അറിയാലോ..  അന്നും പതിവുപോലെ  അവനെ വാച്ച് ചെയ്തുകൊണ്ടിരുന്നു.  

പലപ്പോഴും അവൻ ഞാൻ വാച്ച് ചെയ്യുന്നത് അവൻ കണ്ടു. 

അതു ഞാൻ കാര്യാക്കിയില്ല. മിലിയുടെ ശബ്ദം ഇടറി..കുറച്ചു നേരം മിണ്ടാതിരുന്നു. 

മമ്മീ... 

നീ പറയ് ഞാൻ കേൾക്കുന്നുണ്ട്..

അന്ന് വൈകിട്ട് മെസ്ഹാ ളിൽ വച്ച് അവൻ എൻ്റെ അടുത്തെത്തി 

എനിക്ക് കേൾക്കാവുന്ന ശബ്ദത്തിൽ പറഞ്ഞു .ഇന്ന് ഞാൻ വരും.. എന്ന്. 

സത്യത്തിൽ എനിക്ക് മനസിലായില്ല. അവൻ പറഞ്ഞത് കേട്ടതല്ലാതെ ഞാനൊന്നും പറഞ്ഞില്ല. 

യാത്രയുടെ ക്ഷീണവും അവിടുത്തെ ക്ലൈമേറ്റുംകാരണം വീണയ്ക്ക് നല്ല പനിയും തലവേദനയും. അതുകൊണ്ട് അവൾ പുറത്തേക്ക് വരുന്നില്ല എന്നോട് പൊക്കോളാൻ പറഞ്ഞു. അവൾ റൂമിൽ കിടന്നുറങ്ങി. 

വീണയെ ഒറ്റയ്ക്കാക്കി ഞാൻ മറ്റുള്ളവർക്കൊപ്പം കൂടി. 

 അന്ന് വീണയെ അവൻ "മിലിയുടെ ഏങ്ങലടിച്ചു കരഞ്ഞു..പാവം എൻ്റെ വീണ .അവൾ സ്ലീപ്പിംഗ് പിൽസ് കഴിച്ചാണ് അന്ന് കിടന്നത് .

ഞാൻ റൂമിലെത്തുമ്പോൾ.

നേരം വെളുത്തപ്പോൾ എപ്പോഴോ അവൾ ഉണർന്നു. .ഒരുതരത്തിലാണ് അവളെ സമാധാനിപ്പിച്ചത്. ആരെന്നുപോലും അറിയില്ല. താൻ നശിപ്പിക്കപ്പെട്ടു എന്നുമാത്രം അറിയാം. കേസുകൊടുക്കാമെന്ന് വാശിപിടിച്ചു.  

ആരെന്നു കരുതി കേസുകൊടുക്കും 

ആകെ ഒരു തെളിവ് ആ ദുഷ്ടൻ്റെ ബ്രേസ് ലെറ്റ് ആണ് .ആ ബ്രേസ് ലെറ്റ് വീണയുടെ മുടിയിൽ കുടുങ്ങിക്കിടക്കുകയായിരുന്നു. ആ ബ്രേസ്ല ലെറ്റ് കണ്ടതിനാൽ അവൻ ആരെന്ന് എനിക്ക് മനസ്സിലായി. ഞാനത് എടുത്തു വെച്ചു.വീണ കാണരുതെന്ന് കരുതി.  

ആ ബ്രേസ് ലെറ്റ് ..?മാലതി ചോദിച്ചു

അതെ മമ്മീ.. ഞാൻ ജീവനായി സ്നേഹിച്ചവൻ്റെ ആയിരുന്നു. അവൻ ഇത്രയും ദുഷ്ടനും വൃത്തികെട്ട മനസിൻ്റെ ഉടമയും ആണെന്ന് ഞാൻ ചിന്തിച്ചില്ല. 

അവൻ എന്നോട് ഇന്ന് വരും എന്നതിൻ്റെ അർത്ഥം അപ്പോൾ ആണെനിക്ക് മനസിലായത്. മമ്മീ... ഞാനെങ്ങനെ വീണയോട് പറയും നിന്നെ നശിപ്പിച്ചവൻ ഞാൻ സ്നേഹിക്കുന്നവനാണെന്ന്. ഞാൻ പറഞ്ഞില്ല.  

പിറ്റേദിവസം രാവിലെ അവനെ മെസ് ഹാളിൽ വച്ച് ഞാൻ വീണ്ടും കണ്ടു. 

അവൻ്റെ മുന്നിൽപ്പെടാതെ പോകാൻ ശ്രമിച്ചു. പറ്റിയില്ല. അവൻ എൻ്റെ അടുത്തെത്തി. 

അവൻ്റെ ബ്രേസ്ലെറ്റ് എൻ്റെ റൂമിൽ ഉണ്ടെന്ന് പറഞ്ഞു.  ഞാൻ സ്ലീപ്പിംഗ് പിൽസ് കഴിച്ചിട്ടാണോ ഉറങ്ങുന്നത് എന്നും. നല്ല ശീലമല്ല എന്ന് ഉപദേശിക്കുകയും ചെയ്തു. 

അപ്പോഴാണ് എനിക്കൊരു കാര്യം മനസിലായത് അവൻ കരുതിയിരിക്കുന്നത് അപ്പോൾ റൂമിലുണ്ടായിരുന്നത് ഞാനാണെന്നാണ്. അവൻ ഡ്രിഗ്സ് കഴിച്ചിട്ടുണ്ടായിരുന്നു. അവന് അറിയില്ല വീണയായിരുന്നു അതെന്ന് . മമ്മീ.. ഞാനവനോട് എങ്ങനെ പറയും ഞാനല്ല വീണയായിരുന്നു അപ്പോൾ റൂമിലെന്ന്. 

എൻ്റെ അവസ്ഥ മമ്മിയൊന്ന് ആലോചിച്ചുനോക്ക്.. എൻ്റെ തെറ്റല്ലേ വയ്യാത്ത അവളെ ഒറ്റയ്ക്കാക്കി പോയത് . 

ഞാൻ അവൾക്കൊപ്പം ഉണ്ടായിരുന്നു എങ്കിൽ .അവൻ പറഞ്ഞത് ഞാൻ കാര്യാക്കിയില്ല.എനിക്ക് പകരമാണ് വീണ ആ ദുഷ്ടൻ്റെ കയ്യിൽ പെട്ടത്. 

എൻ്റെ മോളെ... മാലതി മിലിയെ ചേർത്തു പിടിച്ചു. എൻ്റെ മോൾ ഒരുപാട് വിഷമിച്ചു അല്ലേ. ഇനി വിഷമിക്കേണ്ട മമ്മി കൂടെയില്ലേ.

ആ വാക്കുകൾ മാത്രം മതിയായിരുന്നു മിലിക്ക് .

 ഉറക്കം നഷ്ടപ്പെട്ടിട്ട് മാസങ്ങളായി. വീണ എന്തേലും അവിവേകം കാണിച്ചാലോ എന്നപേടി. അവൾക്ക് കൂടെക്കൂടെ ഉണ്ടാകുന്ന വേദനയും തലചുറ്റലും . മൂന്നു മാസം കഴിഞ്ഞില്ലേ മമ്മീ..

അതേ .. പരിഹാരം ഒന്നുമില്ല.. 

അവൻ്റെ പേര് ..?

എന്തിനുമമ്മീ. അവൻ ആരോ ആകട്ടെ  

എൻ്റെ വീണയെ അവൻ സ്വീകരിക്കില്ല. അഥവാ അവൻ സമ്മതിച്ചാലും വീണ സ്വീകരിക്കില്ല. 

മമ്മി പറയ് വീണയെ രക്ഷിക്കില്ലേ. മമ്മീ..

ഇപ്പോൾ മനസിലായില്ലേ എൻ്റെ വീണ ഒരുതെറ്റും ചെയ്തിട്ടില്ലെന്ന്. 

പിന്നീട് അവനെ നീ കണ്ടോ..

കണ്ടു... എനിക്ക് സമ്മതമാണെങ്കിൽ കല്യാണം കഴിക്കാമെന്ന്.  എന്നോടു ചെയ്ത തെറ്റിന് പ്രായശ്ചിത്തം.  

നീയെന്തു പറഞ്ഞു. 

ഒന്നും പറഞ്ഞില്ല. ഇവനെപ്പോലൊരുത്തനെ ആണല്ലോ ഇത്രയും നാളും മനസ്സിൽ ചുമന്നത് എന്നോർക്കുമ്പോൾ എനിക്ക് എന്നോട് വെറുപ്പുതോന്നും . ഇവൻ ഒരിക്കലും അറിയരുത് വീണയെയാണ് അവൻ നശിപ്പിച്ചതെന്ന്. എൻ്റെ വീണയുടെ ജീവിതത്തിൽ അവൻ എത്താൻ പാടില്ല. മിലിയുടെ വാക്കുകളിൽ പകയും ദേഷ്യവും നിറഞ്ഞു. 

അവൻ്റെ പേരു നീ മനപ്പൂർവ്വം മറയ്ക്കുന്നു.

ആ പേരുപോലും പറയാൻ ഞാൻ ആഗ്രഹിക്കുന്നില്ല. സത്യം എന്തെന്ന് ഞാൻ പറഞ്ഞു. ഒരിക്കലും എൻ്റെ ജീവിതത്തോട് അവനെ കൂട്ടിച്ചേർക്കില്ല. എന്നോ പരിചയപ്പെട്ട എതോ ഒരുവൻ അവന് പേരെന്തിന്..നികൃഷ്ട ജന്മം. എൻ്റെ വീണയുടെ ജീവൻ ആണ് മറ്റെന്തിനേക്കാളും എനിക്ക് വലുത്. വീണയുടെ വീട്ടിൽ ആരും അറിയരുത് അവൾ പ്രഗ്നൻ്റ് ആണെന്ന്.  എൻ്റെ മമ്മി അവളെ ആരോഗ്യവതിയായി എനിക്ക് തിരികെ തരണം. പ്രോമിസ് ചെയ് മമ്മീ.. പ്ലീസ്‌ മമ്മീ...  

മിലി മാലതിയുടെ മടിയിൽ തലചായ്ച്ചു. 

വല്ലാത്ത സംഘർഷത്തിലാണ് മിലിയെന്ന് മാലതിക്ക് മനസ്സിലായി.  

മോളൂ... മമ്മി ആരോടും പറയില്ല ഡാഡിയോടുപോലും ഗോഡ് പ്രോമിസ് .

കുറ്റബോധത്താൽ പിടയുന്ന മിലിയുടെ തലയിൽ തലോടിക്കൊണ്ട് മാലതി പറഞ്ഞു.

തനിക്ക് തന്റെ മോളേക്കാൾ വലുതല്ല മറ്റൊന്നും.. എന്തിനെന്നറിയാതെ മാലതിയുടെ കണ്ണുകൾ നിറഞ്ഞു. ഈ അവസ്ഥയിൽ തൻ്റെ മോളായിരുന്നു എങ്കിൽ . താൻ എന്തുചെയ്യുമായിരുന്നു. ഇപ്പോൾ അവളുടെ സ്ഥാനത്ത് അവൾക്കുപകരം വീണ. അതേ അവൾ ഇപ്പോൾ തന്റെ മോളാണ്. തന്നേക്കൊണ്ട് എന്തൊക്കെ ചെയ്യാൻ പറ്റുമോ അതെല്ലാം ചെയ്യണം. മാലതി മനസ്സിൽ ഉറപ്പിച്ചു. 

മിലി....മോളൂ..മതി കരഞ്ഞത് .കരഞ്ഞുകൊണ്ടിരുന്നാൽ മതിയോ.. എണീറ്റ് കണ്ണുംമുഖവും കഴുക്. ഹാപ്പിയായി മാത്രമേ വീണയുടെ അടുത്ത് ചെല്ലാവൂ.  നാളെത്തന്നെ വീണയെ ഹോസ്പിറ്റലിൽ അഡ്മിറ്റാക്കണം .. 

ലൗ യു മമ്മീ.. മിലി മാലതിയെ കെട്ടിപ്പിടിച്ച് ഉമ്മ കൊടുത്തു. 

ഇൻജക്ഷൻ്റെ ഗുണം അന്ന് വീണയ്ക്ക് തലചുറ്റലോ.. വേദനയോ ഒന്നും ഉണ്ടായില്ല .രാത്രി സുഖമായി ഉറങ്ങി. സമാധാനത്തോടെ മിലിയും

  ********  ********   *********   *******

രാവിലെ തന്നെ മാലതിക്കൊപ്പം വീണയും മിലിയും ഹോസ്പിറ്റലിൽ എത്തി. 

തലേന്നുതന്നെ മാലതി റൂം ബുക്ക് ചെയ്തിരുന്നു. മാലതിയെ കണ്ടതേ സിസ്റ്റർ റൂമിൻ്റെ താക്കോൽ കയ്യിൽ കൊടുത്തു. 

ഡോക്ടർ കീ..

എത്രാമത്തെ റൂം.. കീ വാങ്ങിക്കൊണ്ട് ചോദിച്ചു.

തേർഡ്ഫ്ലോർ റൂംനമ്പർ അഞ്ച്.

ഉംം..  മാലതി  മൂളി 

മാലതി നേരെ ലിഫ്റ്റിനടുത്തേയ്ക്ക് നടന്നു. പിറകെ വീണയും മിലിയും . 

ഇതാ കീ.. നിങ്ങൾ രണ്ടുപേരും ഇവിടെ ഇരുന്നോളൂ..വിളിക്കുമ്പോൾ വരാൻ തയ്യാറായി ഇരിക്കണം . റൂമിലെത്തിയ മാലതി കീ മിലിയുടെ കയ്യിൽ കൊടുത്തു. എന്നിട്ട് വീണയോട് പറഞ്ഞു. 

ഏസ് ആൻ്റി..

ഓക്കെ മോളെ.

മാലതി കൺസൾട്ടിംഗ് റൂമിലെത്തി. 

രാവിലെ തന്നെ നല്ല ആളണ്ടല്ലോ ശ്രുതീ.. 

ഇന്നലെ ഉച്ചകഴിഞ്ഞ് വന്നവർ ഡോക്ടർ ഇല്ലെന്നറിഞ്ഞ് തിരിച്ചു പോയി. അവർ രാവിലെ എത്തി. ശ്രുതി പറഞ്ഞു. 

ടോക്കൺ വിളിച്ചോളൂ...വാക്കുകൾക്ക് ഗൗരവം

ഇന്നെന്തുപറ്റി ഡോക്ടറുടെ മുഖത്ത് ഗൗരവം. 

പേഷ്യൻസിനോട് കാര്യങ്ങൾ ചോദിക്കുന്നമ്പോഴും പറയുമ്പോഴും മറ്റെന്തോ ചിന്തയിലാണ് ഡോക്ടറെന്ന് ശ്രുതിക്ക് മനസിലായി. ഗൗരവമായ എന്തോ ഒന്ന് ഡോക്ടറെ അലട്ടുന്നുണ്ട്. 

ശ്രുതീ.... തേർഡ്ഫ്ലോർ റൂം നമ്പർ ഫൈവിലെ പേഷ്യൻ്റിനെ കൂട്ടി ഓപ്പറേഷൻ തീയേറ്ററിലേയ്ക്ക് വരൂ.. ഞാനവിടെ ഉണ്ടാകും.. 

ഏസ് ഡോക്ടർ . ശ്രുതി  തേർഡ്ഫ്ലോറിലേയ്ക്ക് പോകാൻ ലിഫ്റ്റിൽ കയറി. 

മാലതി ഓപ്പറേഷൻ തീയേറ്ററിലേയ്ക്കും ...

    തുടരും...