ആനി ഭാഗം 2

   .....ആനി....

                  

                 

" ശരി വരാം അമ്മേ .കാവ്യയ്ക്ക് എങ്ങനുണ്ട്."

"മോളുവാ .."

" വരാം "

പിറ്റേദിവസം ഞാൻ ലീവെടുത്ത് കാവ്യയുടെ വീട്ടിൽ പോയി.

എന്നെകണ്ട് അവൾ ചിരിച്ചെന്നു വരുത്തി.

ഒരു നിമിഷമേ ആചിരി നിന്നുള്ളൂ.

" കാവ്യേ ലീവ് ക്യാൻസൽ ചെയ്യാം .എല്ലാം ഓക്കെ ആയില്ലേ.."

പെട്ടെന്ന് കാവ്യ ആനിയെ കെട്ടിപ്പിടിച്ചു പൊട്ടിപ്പൊട്ടിക്കരഞ്ഞു .

" കാവ്യേ... എന്താ ഇത് . കരയാതെ. എല്ലാം ഓക്കെ ആയില്ലേ. "

" ആനീ...ആനീ.... അശോക് ..എനിക്ക് ഒന്നുകാണണം ".കാവ്യ കരച്ചിലിനിടയിൽ പറഞ്ഞു.

" അശോക്.. നിന്നെ വിളിക്കാറില്ലേ..?

" ഇല്ല.. " ബാക്കി പറയാൻ തുടങ്ങിയ കാവ്യ പെട്ടെന്ന് നിർത്തി. കണ്ണുംമുഖവും അമർത്തി തുടച്ചു.

ആനി കണ്ടു തങ്ങളുടെ അടുത്തേക്ക് നടന്നുവരുന്ന കാവ്യയുടെ അമ്മയെ. അതാണ് കാവ്യ ബാക്കി പറയാതെ നിർത്തിയത്.

" അമ്മേ കാവ്യയ്ക്ക് സുഖായല്ലോ ഇനി ലീവ് ക്യാൻസൽ ചെയ്യാം അല്ലേ.."ആനി ചോദിച്ചു.

"ആയി എന്നാലും ഒരാഴ്ച കൂടി കഴിഞ്ഞേ വിടുന്നുള്ളൂ.."

" മോളു വരൂ .." കാവ്യയുടെ അമ്മ വിളിച്ചു.

ആനി ആ അമ്മയുടെ കൂടെ നടന്നു.

"മോളെ ആരാ ഈ അശോക് .. ?

ആനി ഞെട്ടിപ്പോയി.. ഇങ്ങനൊരു ചോദ്യം പ്രതീക്ഷിച്ചതല്ലല്ലോ.

" അശോക് .... ? എന്താമ്മേ...കാര്യം.

അമ്മയ്ക്ക് അശോകിനെ എങ്ങനറിയാം..?

" എനിക്കറിയില്ല..എന്നാൽ

അവളെ കാണിച്ച ഡോക്ടർ പറഞ്ഞു ."

ഡോക്ടറോ..? .

" ഉംം അതെ  .കാവ്യ ആരേയോ സ്നേഹിക്കുന്നുണ്ടെന്ന്. ഞങ്ങൾ അവളോട് ചോദിച്ചു. ചോദിച്ചപ്പോൾ അവൾ കരഞ്ഞതല്ലാതെ ഒന്നുംപറഞ്ഞില്ല ഇനിയും പഴയപോലെ ആയാൽ... അതോർത്ത് ഞങ്ങൾ കൂടുതൽ ഒന്നും ചോദിച്ചില്ല."

എന്നാൽ ഡോക്ടറിനോട് അവൾ പറഞ്ഞു

അവൾ അശോക് എന്നൊരാളെ സ്നേഹിക്കുന്നുണ്ടെന്ന് . പെട്ടെന്നുള്ള അശോകിൻ്റെ അകൽച്ചയാണ് കാവ്യയുടെ ഈ അവസ്ഥയ്ക്ക് കാരണം എന്ന് .എങ്ങനെയും അവനെ കണ്ടെത്തി വിവാഹം കഴിപ്പിച്ചു കൊടുക്കാൻ.

അവളോട് ചോദിച്ചിട്ട് അവൾ ഒന്നും പറയുന്നില്ല. അതാ മോളോട് ചോദിക്കാമെന്ന് കരുതിയത്. മോൾ അവളോടൊന്നു ചോദിച്ചറിയ് .നിങ്ങൾ ആകുമ്പോൾ കൂട്ടുകാരികൾ അല്ലേ..അവളെ ഞങ്ങൾക്കുള്ളൂ. അവൾക്കെന്തെങ്കിലും പറ്റിയാൽ ഞങ്ങൾ മൂന്നുപേരും ഒന്നിച്ചു തീരും .ഞങ്ങളുടെ മോൾ ഒരു ഭ്രാന്തിയാകുന്നത് ഞങ്ങൾക്ക് കണ്ടു നിൽക്കാൻ ആവില്ല. കാവ്യ മോളുടെ അനിയത്തിയാണെങ്കിൽ അവളെ ഈ അവസ്ഥയിൽ നിന്നും രക്ഷിക്കില്ലേ.." ആ അമ്മ ആനിയുടെ കയ്യിൽ പിടിച്ച് കണ്ണീരോടെ ചോദിച്ചു.

" എനിക്ക് പറ്റുമ്പോലെ ഞാൻ ശ്രമിക്കാം അമ്മേ..അങ്ങനൊന്നും അവൾക്ക് സംഭവിക്കില്ല.. ഞാൻ ചോദിച്ചാൽ പറയാതിരിക്കില്ല."

എങ്ങനെ പറയും അമ്മ ചോദിക്കുന്നത് തൻെറ ജീവിതം ആണെന്ന്.

അവിടെ നിന്നുപോരുമ്പോഴും കാവ്യയുടെ മുഖമാണ് മനസ്സിൽ അതിൽപിന്നെ എനിക്ക് ശരിക്കൊന്നുറങ്ങാൻപോലും കഴിഞ്ഞിട്ടില്ല ഡോക്ടർ.

" അശോകിനെ എനിക്ക് നഷ്ടപ്പെടുന്നത് എനിക്ക് ചിന്തിക്കാൻ പോലും പറ്റില്ല. "

"ഡോക്ടർ .. ഡോക്ടർക്ക് ബോറടിക്കുന്നുണ്ടോ..?

"ഇല്ല ..ആനിചേച്ചി ഈ കാര്യം അശോകിനോട് പറഞ്ഞോ..?

" പറഞ്ഞു ഡോക്ടർ."

" അശോക് എന്തു പറയുന്നു."

" കുറ്റബോധമാണ് ..കാവ്യയെ വിളിക്കണം എന്നു ഞാൻ പറഞ്ഞു."

എൻ്റെ നിർബന്ധം സഹിക്കവയ്യാതെ അശോക് വിളിച്ചു .

ജനലരികിൽ ദൂരേയ്ക്ക് കണ്ണുംനട്ട് അശോകിനെപ്പറ്റി ഓർത്തിരിക്കയായിരുന്നു കാവ്യ. അപ്പോൾ ആണ് അശോക് വിളിക്കുന്നതും.

അശോകിൻ്റെ കോൾ എടുത്തതും ഒരു പൊട്ടിക്കരച്ചിലാരുന്നു കാവ്യ. അശോക് പലതും പറഞ്ഞ് സമാധാനീപ്പിക്കാൻ ശ്രമിച്ചു.

അശോക് എൻ്റെ അടുത്തുനിന്നും മാറി നിന്നു. ഇടയ്ക്ക് ഞാൻ അവനെ ശ്രദ്ധിച്ചു .അവൻ കണ്ണുതുടയ്ക്കുന്നു..

ഒരുവിധം ശാന്തമായപ്പോൾ ആണ് അശോക് കോൾ നിർത്തി എൻ്റെ അടുത്തു വന്നത്.

കുറച്ചു നേരത്തേയ്ക്ക് അശോക് ഒന്നും മിണ്ടിയില്ല.ഞാനും ഒന്നും ചോദിച്ചില്ല.അശോക് ശാന്തനായി എന്നുതോന്നിയപ്പോൾ ഞാൻ ചോദിച്ചു

" അശോക് നീ എന്തു തീരുമാനിച്ചു."

അവൻ എൻ്റെ കൈരണ്ടുംകൂട്ടിപ്പിടിച്ചു

" നീ എന്നോട് ക്ഷമിക്കണം.. ആനീ .ഞാൻ പോലും അറിഞ്ഞിരുന്നില്ല ഞാൻ അവളെ സ്നേഹിച്ചിരുന്നെന്ന് . നല്ലൊരു ഫ്രണ്ട്ഷിപ്പ് അതാണ് ഞാൻ ആഗ്രഹിച്ചത് . അവൾ ഈ വിധം ചിന്തിക്കുമെന്ന് ഞാൻ കരുതിയില്ല. എൻ്റെ തെറ്റ് .നീ അരുതെന്നുപറഞ്ഞിട്ടും ഞാൻ നിന്നെ കുറ്റപ്പെടുത്തി. ആനീ നീ എന്നോട് ക്ഷമിക്കണം .നിന്നെ ഞാൻ വഞ്ചിക്കാൻ ശ്രമിച്ചതല്ല."

" സാരമില്ല അശോക് . നീ എന്നെ വഞ്ചിച്ചു എന്ന് ഞാൻ ഒരിക്കലും കരുതില്ല. " ആനി സങ്കടത്തോടെ പറഞ്ഞു.

" ഞാനെന്താ ചെയ്യേണ്ടേ നീ പറയ് ..അവൾ വല്ലാത്ത അവസ്ഥയിൽ ആണ്. "

ഞാനെന്താ പറയേണ്ടേ..അശോക് പറയ് ..ആനി അശോകിൻ്റെ മുഖത്തു തറപ്പിച്ചു നോക്കി ചോദിച്ചു.

ഉത്തരമുണ്ടാവില്ലെന്ന് എനിക്കറിയാം.

" അവളെ രക്ഷിക്കണം. നമ്മൾ തമ്മിൽ അറിയില്ല . അങ്ങനെ കാവ്യ അറിയാവൂ..

എനിക്ക് നിന്നെ നഷ്ടപ്പടാൻ കാരണം എൻ്റെ രീതിയാണ്. സ്നേഹം പ്രകടിപ്പിക്കാൻ ഉള്ളതാണ് ഉള്ളിൽ സൂക്ഷിച്ചാൽ അതുകൊണ്ട് ഒരുകാര്യവും ഇല്ല.സത്യമായും നിനക്ക് ചേരുന്നത് .അവളാണ്. അവളെപ്പോലെ സ്നേഹം പ്രകടിപ്പിക്കാൻ എനിക്കാവില്ല. ആദ്യമൊക്കെ നീ എന്നെ സഹിക്കും .പിന്നെ നീ ചിന്തിക്കും എന്നെപ്പോലൊരു ഭാര്യയല്ലായിരുന്നു കാവ്യയെപ്പൊലെ ഒരുവൾ ആയിരുന്നെങ്കിൽ എന്ന് .അല്ല കാവ്യയായിരുന്നെങ്കിൽ എന്ന്."

" നീ എന്തൊക്കെയാ പറയുന്നത് ആനീ..ഞാൻ അവളെ കല്ല്യാണം കഴിക്കുന്ന കാര്യമല്ല പറഞ്ഞത്."

" അശോക് നീ അവളെ കല്യാണം കഴിക്കുന്ന കാര്യമാ ഞാൻ പറഞ്ഞത്. ."

" ആനീ..നിനക്ക് എങ്ങനെ കഴിയുന്നു ഇങ്ങനെ പറയാൻ.."

" നീയാണ് ഇങ്ങനെ പറയാൻ കാരണം. ഞാൻ എത്രതവണ പറഞ്ഞു അവൾ നിന്നെ അവളുടെ ജീവിതപങ്കാളിയായിട്ടാണ് കാണുന്നത് എന്ന് .അതുനീ ചെവിക്കൊണ്ടില്ല.സാരമില്ല .നഷ്ടം എനിക്കുമാത്രമല്ലേ ..അവളെ രക്ഷിക്കണം.അവൾക്കെന്തെങ്കിലും സംഭവിച്ചാൽ അശോക് പിന്നെ എന്നെകാണില്ല. എന്താന്നുവെച്ചാൽ തുരുമാനിച്ചോളൂ..ഞാൻ പോകുന്നു."

" ആനി .. നമ്മുടെ ജീവിതം .അത് മാത്രേ ഞാൻ ചിന്തിച്ചിട്ടുള്ളൂ ..നിന്നെ വിട്ട് ഒരു ജീവിതം ഞാൻ സ്വപ്നത്തിൽ പോലും ചിന്തിച്ചിട്ടില്ല ." അശോക് ആനിയുടെ കയ്യിൽ പിടിച്ച് ആണയിട്ടു പറഞ്ഞുകൊണ്ടിരുന്നു.

" ഇന്നുമുതൽ മാറ്റി ചിന്തിക്ക്.. മറ്റൊന്നും പറയാനില്ല.ഞാൻ പോകുന്നു..." അങ്ങനെ ഞങ്ങൾ പിരിഞ്ഞു.അതിൽപിന്നെ ഞാൻ അശോകിനെ കണ്ടിട്ടില്ല.

ആനി കുറെനേരം മേശയിൽ തല ചായ്ച്ചിരുന്നു.

" ചേച്ചീ....ചേച്ചീ..." ഡോക്ടർ വിളിച്ചു.

ആനി കണ്ണുതുടച്ചു.

" ഈ ചായ കുടിക്ക് .."

ആനി ചായ കുടിച്ചു തീരുംവരെ ഡോക്ടർ ഒന്നും ചോദിച്ചില്ല.

" താങ്ക്യു ." ഡോക്ടർ ചായ കുടിച്ചിട്ട് ആനി പറഞ്ഞു.

"എന്നിട്ട് അശോക് കാവ്യയുടെ അടുത്ത് പോയോ..?

                   തുടരും...