തേടുന്നിത് ആരെ

വാക്കുകൾകൊണ്ട് മുറിവേറ്റൊരെൻ ഹൃദയത്തിലെ നീറ്റലിലും

 തുയിലുണർത്താലൊഴുകിയെത്തും ഇടയ്ക്ക തൻ നാദം കേൾക്കാം.

ഉപ്പുനീർ നുണഞ്ഞു പോ- മുഷ്ണക്കാറ്റിലും

അസ്വസ്ഥമിന്ദ്രിയമഞ്ചും .

രാപ്പാടിയെപ്പോലുണർന്നിരുന്നേകാന്ത രാത്രിയിലും

കൊച്ചു നക്ഷത്രങ്ങൾ പോൽ നിൻ മിഴിയിണകളെ കാണുന്നു ഞാൻ .

 വിധിയൊരുക്കിയൊരു കദനഭാരവും പേറിയൊരു യാത്രയാണിനി.

കാലത്തുണർന്നാ പൂമുറ്റം വലം വെച്ചു

അകലെയാപ്പാല പൂവിടും ഗന്ധം നുകർന്നും

അഞ്ചാറു തുളസിക്കതിരുകൾ നുള്ളിവ്യഥാകുലം നിൽക്കുമെൻ ചാരെ ,

നിശ്ശബ്ദ ശിഖരങ്ങളിൽ നിന്നൂർന്നൊരാ കാകൻ വ്യർത്ഥമെന്നോടോതുന്നു

നിൻ നഷ്ടസ്വപ്നങ്ങളാൽ ആർദ്രമാംനെഞ്ചിൽ

കയ്പുറ്റ വിരക്തി തൻ കണ്ണീരു മായിന്ന്, പേടിച്ചരണ്ട നിൻ കണ്ണുകൾ തേടുന്നിതാരെ......