രുദ്രാക്ഷം
രുദ്രാക്ഷം
നിന്റെ കണ്ഠത്തിലണിഞ്ഞൊരു
ശുഷ്കമാംരുദ്രാക്ഷം
ജീവിതമാശാനൈരാശ്യ പൂർണ്ണമോ?
വിണ്ണിൽ നിന്നേറ്റൊരു
ഹൃദയാഗ്നിയാലോ
ഇത് ഇനിയും നിന്റെ ജീവിതമുക്തി ഹർഷമെന്നോ .
പുത്തൻ കളത്തിൽ പടിയിറങ്ങിയ നേരമാ
പൂമുഖമുററത്തെ സ്മൃതികളും കൂടെയുണ്ടാകുമോ.
വെറുതെ നീ കണ്ട സ്വപ്നങ്ങളാൽ
എല്ലാം വിട്ടെവിടേക്കു പോവാനൊരുങ്ങുന്നു നീയിത്.
മുറിയിലതി ദീനം ശയിക്കും പിതാവിന്ന് ,
കേവലം നീർപോള പോലുടയാനിരിക്കവേ .
പടിയിറങ്ങുന്നുവോ ഇനിയും നീ
ഏതോ പുരാണ പുരികൾതന്നസ്ഥികൾ തേടി പുറപ്പെടുന്നുവോ?
വെൺനിലാവിൻ ഉടയാട ചാർത്തി
തുമ്പികൾ പാറിപ്പറക്കും വയലേലകൾ,
ഓണവും, വിഷുവുമേതേതാഘോഷങ്ങൾ,
സ്വന്തമാം ഉൾത്താപമതെല്ലാം മറക്കുവാൻ .
വീർപ്പുമുട്ടിക്കും വിജനപാതയിൽ ഇനിയേതോ ,
അപരന്റെയൊരാശ്വസ വാക്കുപോലുമില്ലാതെ
ഏകാന്തതയുടെ കാരാഗൃഹത്തിലൊ - ഗിരി ശൃംഗങ്ങളിലെ
തണുത്തുറയുന്ന ഗുഹാ കേന്ദ്രത്തിലോ
കാലത്തെജ്ജയിക്കാനൊരു പാഥേയം ചുമന്നുള്ള
സൽസംഗകുതുകിയാം നിന്റെ യാത്രയ്ക്കു മംഗളം
ആദരാൽ കൈകൂപ്പി യാത്ര ചൊല്ലുന്നു ഞാൻ.