സൗഹൃദം

             

അമ്മ തൻ മടിത്തട്ടിൽ പുഞ്ചിരി വിടർത്തിയ

കുഞ്ഞിളം മനസ്സിലാദ്യ സ്നേഹം

താരാട്ടുപാട്ടിൻ താളത്തിലൊത്തമ്മ

സ്നേഹസൗഹൃദം പകർന്നുനൽകി 

      ഓടികളിച്ചുമൊളിച്ചും പതുങ്ങിയും

      കൂടെക്കളിച്ചു സുഹൃത്ത് വലയം

      കളങ്കമില്ലായ സ്നേഹബന്ധത്തിനേകുന്നു

      തീവ്രമാം ദൃഢത മാത്രം

കാലത്തിൻ മാറ്റങ്ങൾ ബന്ധത്തിൻ ചുവരിൽ

കോറിവരച്ചൊരക്ഷര മുറിവിൽ

തേടിയലഞ്ഞു പാരിതിൻ നാളുകൾ

കണ്ടില്ല ആത്മാർത്ഥ നിറവിൽ സ്നേഹം     

      നിർവചനപ്രവചന ലേശവുമാവില്ല

      സൗഹ്യദ നിലനിൽപ്പിനാഴമഗാതവും

      കരടുമൽപ്പ കളങ്കവുമേൽക്കുകിൽ

      പൊട്ടിയുടയും ചിതറും ചില്ലുപോൽ

സ്വാർത്ഥ താൽപ്പര്യ ജീവിതശ്രേണിയിൽ

ബന്ധത്തിൻ മൂല്യത മറന്നിടൊല്ല

ആത്മബന്ധത്തിൻ ബന്ധനകെട്ടതിൻ

ഇരുളറ തീർക്കുവാനാവതില്ല.