പ്രണയം
പ്രണയം
പറയാതെ നിൻ മനസ്സിലൊളിച്ചു വച്ചെന്നോടുള്ള പ്രണയം
കൺകളിൽ തെളിഞ്ഞു കൗതുകമാർന്ന രൂപത്തിൽ
നിൻ ചുണ്ടിൽ വിരിഞ്ഞ മന്ദഹാസം പ്രണയത്തിൻ
വല്ലരിയെന്നെന്തേ അറിയാതെ പോയി ഞാനെന്നുമെ
പനിനീർ പൂവിൻസുഗന്ധ പൊഴിക്കും നിൻ മുടിയിഴകൾ
സ്നേഹ സാഗര ശോണിമ നിൻ കവിളിണയിൽ
ആത്മാവിൻ പുസ്തക താളിലെ അക്ഷരങ്ങളെല്ലാം
നിൻ സ്നേഹം നിറം ചാർത്തി പകർന്നവയല്ലോ
ഹൃദയതാളത്തിലറിഞ്ഞു പറയാൻ മടിചോരോ വാക്കും
എന്നുമെന്നകതാരിൽ പെയ്തിറങ്ങി നിൻ പ്രണയം
നിഴലായ് എന്നുമെന്നരികത്തായ് നിൽക്കുന്നു
മഴവില്ലിൻ ശോഭ പോൽ അറിയാതെ പോയൊരു പ്രണയം