പ്രണയസഞ്ചാരി

ഇടനെഞ്ചിലെ

ഇതളായിയോർമയിൽ..

പലതായി ഞാൻ

കുറിക്കുന്നിതാ വാക്കുകൾ.

അലകൾ ആയിരമെണ്ണി

നിന്നെയും തേടിയലയും

ഞാനീമണ്ണിൻ കരളിൽ.

ഈ വരികൾ നിനക്കായ് പാടുമൊരുവേളയിൽ.

വഴിയറിയാതെ

വിതുമ്പി നില്കും വസന്തമേ..

നിന്നിലേക്കുള്ള

ദൂരമിന്നേറെയായ്..

അകലും തെന്നലൊരു

ചിരി തൂകി പോകെ

തേങ്ങലായി മാറുമെന്റെ ഗാനം..

അലയും വെളിച്ചമേ

നിന്നിലെയെന്നിലായ്

ഹൃദയം വേവുമീ

രാപ്പകലുകളിൽ

ഈ നിശയും നിലാവുമിന്നെന്റെ

നൊമ്പരക്കടലിൻ

ആഴതിരകൾ ഉതിർത്തുവോ..

വാടല്ലേ പൂവേ

നിന്റെ കണ്മഷി പടരല്ലേ..

നോവല്ലേ പൂവേ

നിന്റെ ഇതളുകൾ അടരല്ലേ..