ഹൃദയത്തിൽ സൂക്ഷിക്കാൻ
ഹൃദയത്തിൽ സൂക്ഷിക്കാൻ
കഥ പറയുന്ന രാവുകളിലൊന്നിൽ
കണ്ടു ഞാൻ എൻ പ്രണയിനിയെ
ഒരുമൊഴിമുത്തുപോൽ അമ്പലപ്പറമ്പിൽ... !
കവിതയാം തരാട്ടോന്നുമായ് ഞാൻ എഴുതിത്തുടങ്ങിയപഴംപുരാണങ്ങളിൽ,
ജീവിതപിന്നാമ്പുറത്തൊരു ഓർമ്മതൻ
ചീവീടുപോൽ എൻ മനതാരിൽ... !
ചേർത്തിട്ട നിലാവുപോൽ പ്രദോഷ -
സന്ധ്യയാം ആകാശച്ചെരുവിൽ,
കുങ്കുമം വാരിവിതറിയ മേഘഛായയിൽ,
മഞ്ഞുനിറഞ്ഞ പൊയ്കയിൽ... !
മന്ദമായ് വീശുന്ന മന്ദമാരുതനിൽ,
പാറിപ്പറന്നുവീഴും കാനനപത്രങ്ങളിൽ,
മൂളിപ്പറക്കും വണ്ടിണകളുടെ
പരിലാളനങ്ങളിൽ... !
കോമരം തുള്ളുന്ന
അമ്പലമുറ്റത്തെ അരയാലിലകളിൽ,
കോലമായ് തറയിൽ വരഞ്ഞു തൂവും
നിറപൊടികളിൽ... !
കണ്ടുഞാൻ എൻ പ്രണയിനിയെ
ഇളം നാദമായ് ചന്ദനത്തിൻ നറുമണമായി
എൻ തൂലികയുടെ അറ്റത്തൂടൊ -
ഴുകിപ്പരക്കുന്നതും കണ്ടുഞാൻ... !