ഗുരുവന്ദനം

പിച്ച വച്ചു നടന്ന കൊച്ചുനാളിൽ
മാതാപിതാക്കളാണെൻ ഗുരുക്കന്മാർ
നന്മയോടടുത്താൽ പ്രോത്സാഹിപ്പിച്ചും
തിന്മയോടടുത്താൽ അരുതേ മൊഴിഞ്ഞും
ആശ്വാസത്തിൻ കരങ്ങളാൽ         
മാറോടടുപ്പിക്കും
അമ്മയാണെൻ തിരുഗുരു
ആർദ്രമാം മന്ദമാരുതൻ പോൽ
കുളിരേകും
അച്ഛനാണെൻ മഹാഗുരു

വിദ്യാലയമുറ്റം കണ്ടുതുടങ്ങിയ 
നാൾമുതൽ
പാഠപുസ്തകങ്ങൾ തൻ വെളിച്ചമാകും
അറിവ് പകർന്നുതന്ന അധ്യാപകർ
തേൻ നുകരും തേനീച്ചകൾക്ക്
തണലാകും പുഷ്പസസ്യങ്ങൾ പോലെ

അറിവിന്റെ സാഗരം വാർന്നെടുക്കാനെത്തും
കുരുന്നുകൾ തൻ നിഷ്കളങ്ക വദനങ്ങളിൽ
പാൽപുഞ്ചിരി വിരിയാൻ കാരണക്കാർ
നന്മ തൻ വഴി താണ്ടാൻ പ്രേരണക്കാർ
തിന്മ തൻ വഴി വെടിയാൻ കാരണക്കാർ

പ്രപഞ്ചമെന്നത് നീളുന്ന തിരുസത്യം
ഗുരുവന്ദനമെന്നത് ആഴുന്ന മഹാസത്യം
നന്മ തൻ വഴിയിലെ ആദ്യ ഗുരുക്കന്മാർ
മാതാപിതാക്കളാണെന്നോർത്തീടണം
കാടും മലയും പുഴയും മഴയുമെല്ലാം
പ്രകൃതി തൻ
വിഭവങ്ങളെന്നോർമിക്കണം എന്ന നിത്യോപദേശത്തിൻ കാവൽക്കാർ
ഗുരു എന്ന മഹാധ്യാപകൻ തൻ
വന്ദിക്കുന്നവരത്രേ ഭാഗ്യവാന്മാർ