പാലമരം

പാലമരത്തിൻ ചോട്ടിലായി
ഒരു കുഞ്ഞനെലിയുടെ മാളമുണ്ടേ
കുഞ്ഞൊരു പൊത്തിലെ മെത്തയിൽ
നല്ലൊരു കുഞ്ഞിതത്ത ഉറങ്ങുന്നുണ്ടേ

പച്ചിലത്തുമ്പിൽ ആടിക്കളിക്കുന്ന
തുന്നാരൻ കുരുവിക്കൂടുമുണ്ടേ
പച്ചിലപ്പായ മടക്കിയൊതുക്കിയ 
കൂട്ടിൽ പുളിയനുറുമ്പുമുണ്ടേ
 
മേലെ ചില്ലയിൽ ചുള്ളിക്കമ്പാൽ
തീർത്തൊരു കാക്കക്കൂടുമുണ്ടേ 
പല പല ജീവികൾ ചേർന്ന് വസിക്കും
പാലമരത്തിനാനന്ദമുണ്ടേ