"ഏഴാംസ്വർഗം"
"ഏഴാംസ്വർഗം"
ഊഷരക്കാറ്റും കുളിരാക്കും നാടേ
പോറ്റുന്ന നാടേ മമ നാടേ വന്ദനം
നദിയില്ലാ നാടിതു; ഹരിതാഭം ഭൂതലം
ഇരുനൂറ്റിൽ പൗരത്വം സുരക്ഷമാം പൊൻനാട്
ദേശീയത പാടും ‘ഇഷി ബിലാദി’
ചാഞ്ഞോരു സമുച്ചയം ക്യാപിറ്റൽ കെട്ടിടം
ഉയരത്തിൽ വെല്ലും ബുർജ് ഖലീഫയും
സംയുക്തോ രാജവാഴ്ചലിഖിതം
ഇരുളില്ലാ നാടേ കാക്കുന്ന നാടേ
ആഘോഷിപ്പു സുവർണ വർഷങ്ങൾ
മാടിവിളിക്കുന്നു ആഗോള ഗ്രാമവും -
അത്ഭുതോദ്യാനനവും ശലഭത്തോട്ടങ്ങളും.
ശരവേഗം പായുന്ന കൃത്രിമ ബുദ്ധിയും
കപ്പിത്താൻ വേണ്ട; തീവണ്ടി അതിദൂരം
ഇവിടില്ല ജാതിയും ഇവിടില്ല വർണ്ണവും
ഇവിടില്ല രാഷ്ട്രീയ കൊടിമര കോമരം
അന്നദാനം സർവൈശ്വര്യകാരകം
അറബ് എമിറേറ്റ്സ് എന്നൊരു നാടേ-
ദൈവത്തിൻ സ്വ-നാടേ അഭിവന്ദനം!!!