ಶೈಲಪುತ್ರಿ ದೇವಿಗೆ ನಮನ

ಶ್ವೇತವರ್ಣದ ತಿಳಿಗಂಪು

ಮನಸಿನಾಳದ ಒಳಕಂಪು

ಕಂಗಳಿಗೆ ನೆಮ್ಮದಿ ಕೇಂದ್ರವು

ಪರಿಶುದ್ಧತೆಯ ಆಗರದ ಸ್ಥಾನವು

ನವರಾತ್ರಿಯ ಶುಭಾರಂಭವು

ಶಾಂತಿ,ಪ್ರೀತಿಗಳ ಸಂಕೇತವು

"ಶೈಲಪುತ್ರಿದೇವಿ" ಆರಾಧನೆಯು

ಶುಭಮಂಗಳದ ಆರತಿಯು

ಪವಿತ್ರತೆಯ ಆಗರವು

ಜೀವನದ ಸುಖ ದುಃಖಗಳು

ಮಂಜಿನಂತೆ ಕರಗುತಿರಲು

ದೈವ ಸಂಕಲ್ಪದ ಕರೆಯೋಲೆಯು

ನವರಾತ್ರಿಯು ಸಂಭ್ರಮವು

ದಶದಿಕ್ಕುಗಳಲಿ ಮೊಳಗುತಿದೆ

ಶತ್ರು ನಾಶದ ರಣಕಹಳೆಯು

ವಿಜಯದ ವೀರ ಪತಾಕೆಯು

ಮೊಳಗಲಿ ಅನುದಿನವು

ಕರುನಾಡ ಕರಳುಗೀತೆಗಳು

ದಸರೆಯ ಹಬ್ಬದಾಚರಣೆಗೆ

ಮುನ್ನುಡಿ ಬರೆದ ಶ್ವೇತವರ್ಣವು

ನವರಾತ್ರಿಯ ಮೊದಲ ದಿನವು

ಶುಭವಾಗಲಿ ಶಾಂತಿ ಸಂದೇಶವು..