ಯಾರೋ ನೀ ಎನಗೆ

ಯಾರೋ ನೀ ಎನಗೆ?

ಏಕೆ ನನ್ನ ಮನವ ಕಾಡುತ್ತಿರುವೆ ಹೀಗೆ?

ಬೇಡ ಈ ಹೃದಯಕೆ ನಿನ್ನ ಮೇಲೆ ಸಲಿಗೆ,

ಮಾಡಬೇಡ ನೀ ಅದರ ಸುಲಿಗೆ.

ನಿನ್ನ ನೋಡಲೇಕೆ ನನ್ನಲ್ಲಿ ಪ್ರತಿಕ್ಷಣ ಕಾತರ?

ನೋಡದಿದ್ದರೇಕೆ ಆಗುವುದೆನಗೆ ಬೇಸರ?

ನೋಡಿದರೆ ನಿನ್ನ ಆಗುವುದೆನಗೊಂದು ಭಾವ ಮಧುರ,

ನಿನಗೂ ಆಗುವುದೇ ಈ ಥರ?

ಹೃದಯದ ಬಾಗಿಲ ಬಳಿ ಬಂದು ಬಡಿಯುತ್ತಿರುವೆ ನೀ ಏಕೆ?

ಹುಟ್ಟಿಸುತ್ತಿರುವೆ ಏಕೆ ನನ್ನಲ್ಲಿ ನಿನ್ನ ಪ್ರೀತಿಯ ಬಯಕೆ?

ಆಗುವುದೀಗ ಮನದಿ ಪ್ರತಿಕ್ಷಣ ನಿನ್ನ ಹೆಸರ ಕನವರಿಕೆ,

ನಿವೇದಿಸಿದರೆ ಈ ನನ್ನ ಪ್ರೇಮವ ನಗುವೆಯಾ ನೀ ಹಾಕಿ ಕೇಕೆ?

ಈ ಸರಳ ರೂಪಿಯ ನೀ ಒಪ್ಪುವಿಯೇನು?

ತುಂಬುವೆಯಾ ಈ ಒಂಟಿ ಹೃದಯಕೆ ಪ್ರೀತಿ ಜೇನು?

ನನ್ನೀ ಪ್ರಶ್ನೆಗೆ ನಿನ್ನುತ್ತರವೇನು?

ಬೇಗ ಬಂದು ಹೇಳು ನೀ ನಾ ಕಾಯುತ್ತಿರುವೆನು.