ಪ್ರೇಮ ಪಲ್ಲವಿ

ಕಣ್ಣಂಚಿನಲ್ಲಿ ಇರುವಂಥ ಮಾತ ಅರಿತಂಥ ಜಾಣ ನೀನು

ನಿನ್ನೆದೆಯ ಪ್ರೇಮ ಮಿಡಿದಿರಲು ವೀಣೆ ಪಲ್ಲವಿಗೆ ಸೋತೆ ನಾನು |

ಕಣ್ಣಂಚಿನಲ್ಲಿ ಇರುವಂಥ ಮಾತ ಅರಿತಂಥ ಜಾಣೆ ನೀನು

ನಿನ್ನೆದೆಯ ಪ್ರೇಮ ಮಿಡಿದಿರಲು ವೀಣೆ ಪಲ್ಲವಿಗೆ ಸೋತೆ ನಾನು || ಪ ||

ಈ ಪ್ರೇಮ ತೋಟದಲ್ಲಿ ರಾಗ ಕುಸುಮವರಳಿ

ಭಾವ ಗಂಧ ಚೆಲ್ಲಿ ಸಂಗೀತದಲ್ಲಿ ತೇಲಿ 

ನಿನ್ನೊಲವು ತಂದ ಅನುಬಂಧದಿಂದ 

ಹೊಸ ಲೋಕವನ್ನೇ ಕಂಡೆ

ನೀ ಜೊತೆಯಲಿರಲು ನನ್ನನ್ನೇ ಮರೆತು

ನಿನ್ನಲ್ಲೇ ಲೀನಗೊಂಡೆ || ೧||

ಕನಸಲ್ಲಿ ನೀನು ಬಂದೆ ಮನಸನ್ನು ಸೂರೆಗೊಂಡೆ 

ಎದುರಲ್ಲಿ ಬಂದು ನಿಂದೆ ಸಂತಸವ ನೀನು ತಂದೆ

ಕಂಡ ಕನಸ ನನಸಾಗಿ ಮಾಡಿದ 

ಆತನೆಲ್ಲೋ ಕಾಣೆ

ನುಡಿಯಲೆಂತು ಬೆರೆತಾಯ್ತು ಮನಗಳು

ಅವನ ಬಿಟ್ಟು ಮಾಣೆ    || ೨||