ಒಲವ ಸಿಂಚನ

ನಿನ್ನೊಲವ ಮೃದು ಸಿಂಚನ

ಎಲ್ಲಾ ಭಾವಗಳ ಸಮ್ಮಿಲನ

ಮಮತೆಯ ದಿವ್ಯ ಸ್ಪಂದನ

ಬಿಡಿಸಲಾಗದ ಈ ಬಂಧನ

ಹಣೆಯಲಿ ಚಂದ್ರ ಚಂದನ

ಸೆಳೆಯುವ ಬೆಕ್ಕಿನ ನಯನ

ಗುನುಗುವ ಒಲವ ರಿಂಗಣ

ನೀನೇ ನನ್ನ ಬಾಳ ಚೇತನ

ಉರುಳುತಿದೆ ಬಹಳ ದಿನ

ಪರಿತಪಿಸುತಿದೆ ನನ್ನ ಮನ

ಕೈಗೊಳ್ಳುವೆ ಇಂದೆ ಯಾನ

ವಿಹರಿಸಲು ಇಡೀ ಜೀವನ

ಕಾಯುತಲಿದೆ ನನ್ನ ಭವನ

ಆಗಲಿ ಇನ್ನು ನಿನ್ನಾಗಮನ

ಬಿಡದಂತಿರುವ ಅನುದಿನ

ಆಯಿತು ಬದುಕು ಪಾವನ

ನೋಡತಲಿ ವಿಶಾಲ ಗಗನ

ಸಲ್ಲಿಸುವ ರವಿಯ ನಮನ

ಅರ್ಪಿಸುವ ದೇವಗೆ ದವನ

ನಡೆಯಲಿ ಹೋಮಹವನ