ನನ್ನ ಶಾಲೆ
ನನ್ನ ಶಾಲೆ
ನನ್ನ ಶಾಲೆಯಿದು ನನ್ನದು
ಎಂದೂ ಮಾಸದ ನೆನಪದು
ಈಗ ಹೋಗಲಿಕ್ಕಾಗದು
ಶಾಲಾ ನೆನಪುಗಳು ನನ್ನ ಬಿಟ್ಟು ಸಾಗದು
ನನ್ನ ಶಾಲೆಯದು ನನ್ನದು
ಹೊಸತನವನ್ನೇ ಕಲಿಸಿತದು
ಭವಿಷ್ಯಕ್ಕೆ ಮೆರುಗು ನೀಡಿತದು
ಜೀವನಕ್ಕೆ ಭದ್ರ ಬುನಾದಿಯದು.
ನನ್ನ ಶಾಲೆಯಿದು ನನ್ನದು
ಕಿವಿ ಹಿಡಿದು, ಬಗ್ಗಿ ನಿಂತದ್ದು,
ಒಬ್ಬರಿಗೊಬ್ಬರು ಕಪಾಳಕ್ಕೆ ಹೊಡೆದದ್ದು
ನಕಲು ಮಾಡಿ, ಸಿಕ್ಕಿ ಬಿದ್ದದ್ದು
ಸುಮ್ಮ ಸುಮ್ಮನೇ ಹೊಟ್ಟೆ ನೋವು ಬಂದಿದ್ದು
ಚೆನ್ನಾಗಿರುವ ಅಜ್ಜಿಗೆ ಹುಷಾರಿಲ್ಲವೆಂದಿದ್ದು
ಎಲ್ಲ ಕೊಟ್ಟಿರುವೆ ನೀನು ನನಗಿಂದು
ಈಗಿನ ಪ್ರೈವೇಟ್ ಶಾಲೆಯ ಭರಾಟೆಯಲ್ಲಿ
ನೀನು ದೇವಾಲಯವೇ ಆಗಿರುವೆ
ಸದಾ ನನ್ನ ಮನದಲ್ಲಿ.
ನನ್ನ ಶಾಲೆಯಿದು ನನ್ನದು