ಮರೆಯಲಾಗದು ನಿನ್ನ 2020

ಮರೆಯದ ವಿಷಯಗಳೇ 

ನಿನ್ನೊಡಲಲಿ ಗುಡ್ಡೆಯಾಗಿದೆ ಕೇಳೇ 

ಕಲುಷಿತ ಗಂಗೆ ನಿನ್ನಿಂದ

ಪಾವನವಾದದು ಮರೆಯಲಾದೀತೆ ? 

ಹಕ್ಕಿಗಳ ರೆಕ್ಕೆಯನು ಮತ್ತವಕೆ 

ನೀಡಿ, ನಿರ್ಭಯದಿ ಅವು

ಹಾರಾಡಿದ್ದು ಮರೆಯಲಾದೀತೆ ? 

ಅಮ್ಮ, ಚಿಕ್ಕಮ್ಮ, ದೊಡ್ಡಮ್ಮ 

ಅತ್ತೆ, ಅಣ್ಣ, ತಂಗಿ ಎಲ್ಲರೊಂದೆಡೆ 

ಸೇರಿಸಿದ್ದು ಜನುಮಕ್ಕೂ ಮರೆಯಲಾದೀತೆ?  

ಸ್ವಚ್ಛತೆಯೇ ಆರೋಗ್ಯದ ಮೂಲವೆಂದು 

ಎಚ್ಚರಿಸಿದ್ದು ಮರೆಯಲಾದೀತೆ ? 

ಕೊನೆಗೂ ನಮ್ಮ ಹಳ್ಳಿ ಜೀವನವೇ ಯೋಗ್ಯ 

ಎಂದಿದ್ದು ಮರೆಯಲಾದೀತೆ ? 

ಪಿಜ್ಜಾ ಬರ್ಗರ್ನಿಂದ ಮಹಿಳಾಮಣಿಗಳು 

ಅಡುಗೆಮನೆಗೆ ಲಗ್ಗೆಯಿಟ್ಟು 

ತರಹೇವಾರಿ ಖಾದ್ಯ ಮಾಡಿ 

ಗಂಡನ ಮೇಲೆ ಪ್ರಯೋಗಿಸಿದ್ದಂತೂ. 

ಆಜೀವ ಪರ್ಯಂತ ಮರೆಯಲಾದೀತೆ!

ಎಲ್ಲ ಕಿತ್ತುಕೊಂಡಂತೆ ಮಾಡಿ 

ಹೆಚ್ಚೇ ಕೊಟ್ಟ ನಿನ್ನನ್ನು 

ಮರೆಯಲಾದೀತೆ ಮಿತ್ರ 2020.