ಮರೆಯಾದೆ

ಬಯಸದೆ ಬಳಿ ಬಂದೆ ನೆನೆಸದೆ ನೀ ಹೋದೆ

ಅರಿಯದೇ ನಿನ್ನ ಅರಿತೆ ಅರಿತು ನಾ ಸೋತೆ

ನಿನ್ನ ಪವಿತ್ರ ಪ್ರೀತಿಯೆಂದು ಮರುಳಾದೆ

ಆದರೆ ಅದು ಮೋಸದ ಮಾಯೆಯೆಂದು ಅರಿಯದೆ ಸೋತೆ

ಸುಳ್ಳು ಪ್ರೇಮವೇ ನೀ ನನ್ನ ಬಾಳಿಗೆ ಕೊಳ್ಳಿಯಿಟ್ಟೆ

ನನ್ನೆಲ್ಲಾ ಕನಸನ್ನು ಅರೆಕ್ಷಣದಲ್ಲಿ ಕೊಂದುಬಿಟ್ಟೆ

ಈ ಪ್ರೀತಿಯ ಸೆಲೆಗೆ ಅಲೆಗೆ ತತ್ತರಿಸಿ ಕೆಟ್ಟೆ

ಬಾಳ ಕೊನೆತನಕ ಇರುವೆನೆಂದು ಸುಮ್ನೆ ನಿನ್ನ ಇಷ್ಟಪಟ್ಟೆ

ಹುಚ್ಚು ಕುದುರೆಯ ಹಿಂದೆ ಹೋದನೆಂಬ ಪಶ್ಚಾತಾಪ

ವಿಧಿಯ ಹಣೆಬರಹವು ನನಗೆ ಕೊಟ್ಟಿತೇ ಶಾಪ

ಅರಿತೆ ಇದರಿಂದ ಹೊಸದೊಂದು ಪಾಠ

 ಬದುಕಲ್ಲಿ ಬೇಡ ಸುಮ್ನೆ ಹುಡುಗಾಟ ಅಲೆದಾಟ

ಯಾರನ್ನು ಅತಿಹೆಚ್ಚು ನಂಬಬೇಡಿ ನಂಬಿ ಕೆಡಬೇಡಿ

ನಂಬಿಕೆಯು ಅಂತವರಿಗೆ ಆಟದ ವಸ್ತುವೆಂದು ಮರೆಯಬೇಡಿ

ಸುಗಮವಾಗಿರಬೇಕಿದ್ದರೆ ನಿಮ್ಮ ಜೀವನ

ಸುಳ್ಳು ಪ್ರೀತಿಯ ನಂಬದಿದ್ದರೆ ಪಾವನ