ಮಾಲಿಯ ನಿಷ್ಠೆ
ಮಾಲಿಯ ನಿಷ್ಠೆ
ಕಿತ್ತು ತಂದ ಬಾಳೆ ಹಣ್ಣು
ಕೂತು ತಿಂದ ಹೆಣ್ಣ ಮೇಲೆ
ಬಿತ್ತು ಕಾವಲಿಗನ ಕೆಂಪು ಕಣ್ಣು
ಸುತ್ತ ತಿರುಗಿ ನೋಡಿದಾಗ
ಅತ್ತ ಯಾರು ಇಲ್ಲವೆಂದು
ಮತ್ತೆ ಉಳಿದ ಹಣ್ಣ ತಿಂದಳು
ಬಿತ್ತು ಬೆನ್ನ ಮೇಲೆ ಮೂರು
ಬೆತ್ತ ಹಿಡಿದ ಮಾಲಿ ಕೈಯ್ಯಲಿ
ಕಿತ್ತು ಕಟ್ಟೆ ಒಡೆದ ದುಃಖದಲ್ಲಿ
ಹುತ್ತದಲ್ಲಿ ತನ್ನ ಕೈಯ್ಯ ಇಟ್ಟಳು
ಸುತ್ತ ಇದ್ದ ಜನರೇ ಕೂಗಲಾಗಿ
ಇತ್ತ ಅವನು ಓಡಿ ಬಂದನು
ಮುತ್ತನಿತ್ತು ಕೈಯ್ಯ ತೆಗೆಸಿ
ಅತ್ತು ತನ್ನ ಮಡದಿ ಇವಳೆಂದನು