ಬೇಸಿಗೆ

ಹಿಂದೆ ಕಾಯುತ್ತಿದ್ದರು ಬೇಸಿಗೆಗೆ

ಅಂಗಳ ಸಿದ್ದವಾಗುತ್ತಿತ್ತು ಒಣಗಿಸಲು ಹಪ್ಪಳ ಸಂಡಿಗೆ

ಮೊಮ್ಮಕ್ಕಳಿಗಾಗಿ ಕಾಯುತ್ತಿತ್ತು ಮನೆಯ ಉಪ್ಪರಿಗೆ

ಉರಿ ಬಿಸಿಲ ದಣಿವಾರಿಸಲು ತಯಾರಾಗುತ್ತಿತ್ತು 

ಪಾನಕ ನೀರು ಮಜ್ಜಿಗೆ..

ಬದಲಾಗಿಹುದೆಲ್ಲಾ ಇತ್ತೀಚೆಗೆ

ರಜದಲ್ಲಿ ಸೇರುತಿಹುರು ಮಕ್ಕಳು ಬೇಸಿಗೆ ಶಿಬಿರಗಳಿಗೆ

ವ್ಯಾಪಾರಸ್ಥರಿಗೆ ಮಾತ್ರ ಮೀಸಲಾಗಿಹುದು ಹಪ್ಪಳ ಸಂಡಿಗೆ

ಹವಾಮಾನದ ಏರಿಳಿತಕ್ಕೆ ಹೆಚ್ಚಾಗುತ್ತಿಹುದು ಬೇಸಿಗೆಯ ಧಗೆ

ದಣಿವಾರಿಸಿಕೊಳ್ಳಲು ಮೊರೆ ಹೋಗುವಂತೆ ಆಗಿದೆ 

ಐಸ್ ಕ್ರೀಮ್ ಕೂಲ್ ಡ್ರಿಂಕ್ಸ್ ಗಳಿಗೆ...